ISSN (Print) - 0012-9976 | ISSN (Online) - 2349-8846

మూస మారని ఆర్థిక సర్వే

.

The translations of EPW Editorials have been made possible by a generous grant from the H T Parekh Foundation, Mumbai. The translations of English-language Editorials into other languages spoken in India is an attempt to engage with a wider, more diverse audience. In case of any discrepancy in the translation, the English-language original will prevail.

ఆనవాయితీకి వ్యతిరేకంగా 2016-17 సంవత్సర ఆర్థిక సర్వే రెండవ భాగాన్ని బడ్జెట్ ప్రతిపాదించిన తర్వత విడుదల చేశారు. పెద్ద నోట్ల రద్దు, వస్తు సేవల పన్ను అమలు, వ్యవసాయ రంగంలో అశాంతి నెలకొన్న దశలో రిజర్వు బ్యాంక్, కేంద్ర ఆర్థిక మంత్రిత్వ శాఖ వంటి వాటినుంచి దేశ ఆర్థికపరిస్థితి ఎలా ఉందో తెలియజెప్పే సమాచారం ఏదీ విడుదల చేయని దశలో ఆర్థిక సర్వే రెండవ భాగం విడుదల కావడం ఆనందకరమే. ఆర్థికాంశాల విశ్లేషణ, ప్రతిపాదనల సమాచారాన్ని ఈ నివేదికలో దాపరికం లేకుండానే తెలియజేశారు. దాపరికం లేకుండా ఉన్నందువల్ల ప్రత్యామ్నాయ వ్యాఖ్యలు చేయడానికి అవకాశం ఉంటుంది. ఈ నివేదికను డిజిటల్ పద్ధతిలో విడుదల చేయడం కూడా ఆహ్వానించదగిందే. అయితే ప్రత్యామ్నాయ వ్యాఖ్యానాలు ఆర్థిక వ్యవస్థ అంత బాగా లేదనే చెప్తున్నాయి. ఆర్థిక విధానాలను రూపొందించేటప్పుడు పంపిణీ లక్ష్యాలకు చోటివ్వలేదు, సంస్కరణల అమలు గురించి ప్రస్తావించలేదు. అందుకే ఈ సర్వేలో ప్రభుత్వ ఆర్థిక తాత్విక ఆలోచన ప్రకారం వీటికి ఆస్కారం లేకుండా పోయింది.

వస్తు సేవల పన్ను ప్రయోజనాలను-అవి దాచిపెట్టినా దాచిపెట్టకపోయినా అధికారాల అప్పగింతపై ఆర్థిక సర్వే వాదన నమ్మదగిందిగానే ఉంది. రాష్ట్రాల స్వయంప్రతిపత్తిని నిర్లక్ష్యం చేస్తున్నారు అన్న భావన కలుగుతోంది. ద్రవ్యోల్బణ అంచనా-ముఖ్యంగా 2014 మార్చి నుంచి ఈ నివేదికలో చేర్చిన తీరు నమ్మదగిందిగా ఉంది. అంతర్జాతీయ చమురు మార్కెట్లో బృహత్తర మార్పులు జరిగాయి. ముడి చమురు పరిస్థితి మెరుగుపడడం, గ్యాస్ సాంకేతికత వినియోగం వల్ల పెట్రోలియం ఎగుమతి దేశాల పై మార్కెట్ ప్రభావం పడింది. అంటే ప్రస్తుతానికి చమురు, గ్యాస్ ధరలు చౌకగానూ, నిలకడగానూ ఉంటాయి. అలాగే తరగని ఇంధన వనరుల ధరలు కూడా తక్కువగా ఉండడంతో ఇంధన వనరుల ధరలు తక్కువే ఉంటాయి. మద్దతు ధరను హేతుబద్ధంగా నిర్ణయించడతో సాగు నీరు ఎక్కువగా అవసరమైన పంజాబ్, హర్యానా, ఉత్తరప్రదేశ్, ఇటీవలి కాలంలో మధ్యప్రదేశ్ లో కాయ ధాన్యాల పంటల్లో నిలకడ కనిపిస్తోంది. ఈ పరిస్థితి శాశ్వతంగా ఉంటుందా అంటే చెప్పలేం. ఎందుకంటే గత పది పదిహేనేళ్ల కాలంలో ధాన్యాల సేకరణ ధర భారంగా మారడంతో ప్రభుత్వ వ్యవస్థలు ధాన్యాలను మార్కెట్ లోకి విడుదల చేస్తున్నాయి. ప్రభుత్వం విడుదల చేసిన సర్వే ప్రకారం ఆహార పదార్థాల నిర్వహణలో అనుసరిస్తున్న విధానాల వల్ల సానుకూల పరిణామాలు వస్తున్నాయి.

ఈ సర్వే దీర్ఘ కాలిక పరిస్థితిని సమీక్షించింది. “రైతు రుణ మాఫీ: స్థూల ఆర్థిక విధానంపై ప్రభావేం” గురించి ఉహాత్మక సమాచారం విడుదల చేసింది. ఉత్తరప్రదేశ్, కర్నాటక, మహారాష్ట్ర, పంజాబ్, తమిళ నాడు రాష్ట్రాలు రైతుల రుణాలు మాఫీ చేశాయి. మిగతా రాష్ట్రాలు కూడా యు.పి. విధానాన్ని అనుసరిస్తాయని అప్పుడు దేశవ్యాప్తంగా రుణ మాఫీకి 2.2 లక్షల కోట్ల నుంచి 2.7 లక్షల కోట్ల దాకా ఖర్చు అవుతుంది అని తెలియజేశారు. ఈ రుణ మాఫీ భారాన్ని రాష్ట్రాలే భరించాలని కేంద్ర ప్రభుత్వం చెప్పింది. అన్ని రాష్ట్రాలు రైతుల రుణాలు మాఫీ చేస్తే దీని కోసం స్థూల జాతీయోత్పత్తిలో 0.7 శాతం ఖర్చు అవుతుంది. దీనివల్ల ఆర్థిక వ్యవస్థకు ద్రవ్య సంకోచ విఘాతం కలిగి ఎదుగుదల మందగించవచ్చు. అయితే ఇది కేవలం ఊహే.

కొన్ని రంగాలలో సర్వే నిరాశాజనకంగా ఉంది. మొదటిది గత రెండేళ్లుగా అధికోత్పత్తి, తగినంత వర్షపాతం ఉన్నప్పటికీ వ్యవసాయ రంగం సంక్షోభంలో ఉండడం. వ్యవసాయ సంక్షోభం ఉన్నప్పటికీ ఈ అంశాన్ని నివేదికలో స్వల్ప కాలిక విషయంగానే పరిగణించారు. వ్యవసాయ రంగ సమస్యలేమిటో గత పదేళ్ల నుంచి అనుభవంలో ఉన్నా రైతుల ఆదాయం అనిశ్చితంగా ఉంది. ప్రైవేటు వడ్డీ వ్యాపారుల దగ్గర చేసిన అప్పుల భారం పెరుగుతోంది. రైతుల రుణాల్లో ప్రైవేటు వడ్డీ వ్యాపారుల దగ్గర నుంచి తీసుకున్న రుణాలే ఎక్కువ. ఈ అంశంపై నివేదిక అంతగా దృష్టి సారించలేదు.

రెండవ అంశం పెద్ద నోట్ల రద్దు వల్ల ఒనగూరే దీర్ఘకాలిక ప్రయోజనాలు, స్వల్పకాలిక ఇబ్బందులు. స్థూల జాతీయోత్పత్తి స్వల్పంగానే పెరిగిందని, పెద్ద నోట్ల రద్దు వల్లే ఇది సాధ్యం అయిందని ఈ నివేదికలో తెలియజేశారు. కాని పెద్ద నోట్ల రద్దు తర్వాత కనిపించిన నామ మాత్రమైన ఆర్థికాభివృద్ధి పెద్ద నోట్ల రద్దు ప్రభావం లేని రంగాలలోనే అన్న విషయాన్ని ఆర్థిక సర్వే పట్టించుకోలేదు. 2016-17లోని మూడవ, నాల్గవ త్రైమాసికాల కాలంలో ప్రజా పరిపాలన, రక్షణ శాఖ, ఇంకా ఇతర కొన్ని రంగాలలో నామమాత్రమైన స్థూల విలువ పెరగడం కనిపించింది. 2015-16లో పరిస్థితితో పోల్చి చూస్తే మూడవ త్రైకాలంలో 12.8 శాతం నుంచి 15.1 శాతానికి, నాల్గవ త్రైమాసిక కాలంలో 24.2 శాతానికి పెరిగింది. కాని పెద్ద నోట్ల రద్దు ప్రభావం ఉన్న వస్తూత్పత్తి, నిర్మాణ రంగం, వాణిజ్యం, ఆర్థిక రంగాలలో నామమాత్రమైన స్థూల విలువ పెరగడం నిజానికి తగ్గింది. అవ్యవస్థీకృత రంగం దగ్గరకు వచ్చేటప్పటికి ఈ సర్వేలో ద్విచక్ర వాహనాల అమ్మకాలు, మహాత్మా గాంధీ గ్రామీణ ఉపాధి హామీ పథకం కింద గిరాకీ పెరిగిందని సర్వేలో తెలియజేశారు. మహాత్మా గాంధీ గ్రామీణ ఉపాధి పథకం కింద పెరుగుదల కనిపించడం దురవస్థలో పెరిగిన గిరాకీ అయితే ద్విచక్ర వాహన రంగాన్ని అవ్యవస్థీకృత రంగంగా పరిగణించడం కష్టం. అవ్యవస్థీకృత రంగం కార్మికుల గురించి నివేదిక మరింత దృష్టి సారించాల్సింది. నాలుగు రంగాల వృద్ధి రేటు తగ్గడం పెద్ద నోట్ల రద్దు ప్రతికూల ప్రభావం వల్లే.

చివరకు ప్రభుత్వ వ్యయానికి సంబంధించిన (2వ అధ్యాయం), విద్య, వైద్య రంగాల వంటి మానవ వనరులలో పెట్టుబడి పెట్టడానికి సంబంధించి (10వ అధ్యాయం) విశ్లేషణలు దేశానికి కావాల్సింది ఏమిటి అనే విషయంలో నికరమైన దృక్పథం లేకుండానే ఉన్నాయి. మానవాభివృద్ధి కోసం మనం పెట్టే పెట్టుబడిలో చాలా వెనుకబడి ఉన్నం. సామాజిక మౌలిక సదుపాయాల్లో ప్రబుత్వ పెట్టుబడి సరిగ్గా లేకపోవడమే దీనికి కారణం. పేదల, మధ్యతరగతి వారి సామాజిక వ్యయం బాధ్యత ప్రభుత్వం తీసుకుంటే ప్రజల నికర కొనుగోలు శక్తి పెరుగుతుంది. ఆర్థికాభివృద్ధిపై మాట్లాడేప్పుడు సరఫరా గురించే ఎక్కువ మాట్లాడుతున్నారు తప్ప గిరాకీ గురించి మాట్లాడడం లేదు. బ్రిక్స్ (బ్రెజిల్, రష్యా, ఇండియా, చైనా, దక్షిణాఫ్రికా) దేశాలలో విద్యా రంగంలో, ఆరోగ్య రంగంలో ప్రైవేటు పెట్టుబడి పెరుగుతోందని ఈ ఆర్థిక సర్వేలో పేర్కొన్నారు. ఆరోగ్యం కోసం ప్రజలు తమ సొంత జేబుల్లోంచి కర్చు పెట్టేది మన దేశంలో 60 శాతం అయితే ఇతర దేశాలలో ఇది 10 నుంచి 32 శాతం దాకా మాత్రమే ఉంది. విద్యా ఆరోగ్య రంగాలపై ఎక్కువ మొత్తం ఖర్చు చేస్తాం అని ఉత్తి మాటలు చెప్పడం వల్ల ఫలితం లేదు. దీనికోసం పన్నులు సమీకరించాలి. కాని ద్రవ్య విధానంలో సంస్కరణల కోసం ఆరాట పడే వారికి ఇది పట్టడం లేదు. పేదల అవసరాలను పట్టించుకోకపోవడం మాత్రం నిరంతరం కనిపిస్తోంది.

Updated On : 13th Nov, 2017
Back to Top